बुटवल । लुम्बिनी केवलरकार प्रा.लि द्धारा सुरु हुन लागेको लुम्बिनी केवलकारको टिकट शुल्क अत्याधिक महंगो राखिएको छ । तत्कालका लागि प्रा.लिले ७५० शुल्क लिने भनेपनि केवलकारको दुई तर्फीको टिकट शुल्क प्रतिव्यक्ति १ हजार तोकिएको छ । यो टिकट देशभर सञ्चालनमा आएका केवलकारहरु मध्ये बढि हो । मौलाकाली केवलकार, मनकामना केवलकार, चन्द्रागिरी केवलकार कहि पनि प्रतिव्यक्ति १ हजार टिकट शुल्क लिइएको छैन् ।
केवलकार सञ्चालन पछि बुटवलमा पर्यटन क्षेत्रमा नयाँ आयम आउने अपेक्षा गरिएपनि केवलकारको शुल्ककै कारण पर्यटक भडकिने डर भएको छ । बुटवलमै अर्को फुलबारी देखि नुवाकोट सम्म चल्ने सिद्धार्थ केवलकार प्रा.लि निर्माणधिन अवस्थामा छ । दुई केवलकार बीच प्रतिस्पर्धामा मुल्य राख्नुपर्ने भएपनि लुम्बिनी केवलकारले १ हजार टिकट शुल्क लिने भएपनि सुरुवातमै चर्को आलोचना भइरहेको छ ।
स्थानिय गौरव घिमिरे चन्द्रागिरी भन्दा पनि बुटवलको केवलकारको टिकट महंगो भएको भन्दै सामाजिक सञ्जालमा लेखेका छन् ।
अर्का स्थानिय सन्तोष बञ्जाडेले पनि टिकट दर महंगो भएको बताए ।
