लुम्बिनी साँस्कृतिक नगरपालिका कार्यापालिका बैठकले नगरपालिकामा कार्यारत अमिन सागर बेबारे विकलाई निलम्बन गरेको छ । गत चैत १४ गते बसेको कार्यपालिका बैठकले विकलाई दुई महिनाका लागि निलम्बन गरी आवश्यक छानविन गर्ने निर्णय गरेको हो । यस अघि २०७८ साल चैत २२ गते नगरपालिकाले विकलाई कार्य जिम्मेबारप्रति संवेदशील नभएको भन्दै सचेत समेत गराएको थियो ।
तर उनको कार्यशैलीमा कुनै पनि सुधार नआएको कारण उनलाई कारवाही गरिएको हो । उनले जग्गा नाँपजाँच र नक्सापासका लागि आएका सेवा ग्राहीहरूसंग घुस समेत लिएको उजुरी परेको थियो । उनले केही दिन पहिला जग्गा नाप जाँचका विषयमा वडा नम्बर १ का अध्यक्ष सुरज जयसवालसँग वादविवाद समेत गरी कार्यकक्षमा नै गाली गलौच र दुव्र्यवहार समेत गरेका थिए ।
उनलाई पटक-पटक सचेत गराउँदा समेत बारम्बार आचारहिनकाम गरेको, सेवा ग्राहीको गुनासो र पिरमर्कालाई वेवास्ता गर्ने गरेको र घुस समेत लिने गरेको कारण उनलाई कारबाही गरिएको नगरपालिकाले जनाएको छ ।
