त्रिभुवन अन्तर्राष्ट्रिय विमानस्थलबाट सोमबार भैरहवा उड्नका लागि रनवेमा पुगेको बुद्ध एयरको विमान नउडी पार्किङमा फर्काइएको छ । उड्नै लागेको विमान उडान नभरी पार्किङमा फर्काइएको छ ।
उड्नै लागेको विमानमा प्राविधिक समस्या आएपछि सो विमानलाई पार्किङमा फर्काइएको हो । बुद्ध एयरका प्रवक्ता दिपेन्द्र कर्णले सो विमानमा समस्या देखिएपछि अर्को विमानबाट यात्रुलाई भैरहवा उडाइएको जानकारी दिए ।
दिउँसो १ बजेर २० मिनेटमा उडान भर्नुपर्ने विमान २ बजेर ५० मिनेटमा उड्नेक्रममा थियो । रनवेमा पुगेको विमान नउडी नरवेबाट फर्काइएको थियो । अहिले सो विमानको प्राविधिकहरूले परीक्षण गरिरहेको कर्णले जानकारी दिए ।
