बुटवल । बुटवलमा जारी २२ औं तिलोत्तमा गोल्डकप बाट विभागिय टिम नेपाल पुलिस क्लव बाहिरिएको छ । मंगलबार भएको क्वाटरफाईनल खेलमा मनाङ मस्र्याङदी क्लव संग २–१ ले पराजित हुँदै नेपाली पुलिस क्लव प्रतियोगिता बाट बाहिरिएको हो ।
मनाङ मस्र्याङदीका लागि पहिलो गोल खेलको ३१ औं मिनेटमा प्रशन्न श्रेष्ठले गरे । त्यस्तै दोस्रो गोल पहिलो हाफको ईन्जुरी समयमा रिवाउन्ड सटमा चेतन थारुले गोल गर्दै टिमलाई २–० बनाएका थिए । नेपाल पुलिसका लागि १८ ह्यार्ड टाढाबाट प्रहार गर्दै बुद्धबल तामाङले गोल गरे ।बांकी समयमा कुनै पनि गोल हुन सकेन र खेल मनाङ मस्र्याङदीले जित्न सफल भयो ।
मनाङ मस्र्याङदी संग पराजित भए संगै नेपाल पुलिस क्लव पाँचौ पटक तिलोत्तमा गोल्डकप उपाधि चुम्नबाट बञ्चित भएको थियो । नेपाल पुलिस क्लवले ०३५ सालमा प्रथम तिलोत्तमा गोल्डकपको उपाधि उचालेको थियो । त्यो बेला क्लवको नाम महेन्द्र पुलिस क्लव थियो । त्यस्तै ०५१ सालमा नवौ, ०५२ सालमा दशैं र ०५५ सालमा तेह्रौ तिलोत्तमा गोल्डकप गरी ४ पटक उपाधि जिति सकेको छ ।
नेपाल पुलिस क्लव २० औं र २१ औं तिलोत्तमा गोल्डकपको उप विजेता समेत हो । २० औं तिलोत्तमा गोल्डकपमा थ्रि स्टार संग २–० ले पराजित भएको थियो । त्यसैगरी ०७५ सालमा भएको २१ औं तिलोत्तमा गोल्डकपमा विदेशी टिम डाफिस फेमली संग सडन डेथमा पराजित भएको थियो । मनाङ मस्र्याङदीले भने अहिले सम्म तिलोत्तमा गोल्डकपको उपाधि जित्न सकेको थिएन ।
प्रतियोगिता अन्तगर्त बुधबार पहिलो सेमिफाईनल खेलमा सुदुरपश्चिम ११ले थ्रि स्टार क्लव संग प्रतिस्पर्धा गर्नेछ ।
