भैरहवा स्थित गौतमबुद्ध अन्तर्राष्ट्रिय विमानस्थल बाट अब मलेसिया र नयाँ दिल्लीमा उडान हुने भएको छ । राष्ट्रिय ध्वजा बाहक नेपाल वायुसेवा निगमले भैरहवा बाट उडानको तयारी गरे संगै अब मलेसिया र नयाँ दिल्लीमा उडान हुने भएको हो । भारतको राजधानी दिल्ली र पुर्बी एसियाली देश मलेसियामा हप्ताको दुई उडान गर्ने गरि तयारी वायुसेवा निगमले गरेको छ ।
बैशाख तेस्रो साता भित्र उडान सुरु गर्ने योजना उसको रहेको छ। उडानका लागि निगमले यहि हप्ता उडान तालिका सार्बजनिक गर्ने बताइएको छ ।
यस अघिनै निगमले गौतमबुद्ध अन्तर्राष्ट्रिय विमानस्थलबाट अन्तर्राष्ट्रिय उडान सुरु गर्ने बताएको भएपनि अहिले सम्म उडान भने गर्न सकेको छैन् ।
निगमले काठमाडौंबाट मलेसियाको क्वालाम्पुर,क्वालाम्पुरबाट गौतमबुद्ध र त्यहाँबाट नयाँ दिल्ली उडान गर्ने तयारी छ। भैरहवाबाट मलेसियाका लागि सिधा उडान हुँदा यात्रुहरुको कमि देखिएकाले अहिलेलाइ काठमाडौंबाट उडान गर्ने र मलेसियाबाट भैरहवा एकतर्फी उडान गर्ने तयारी निगमको छ। मलेसिया बाट भैरहवा आउने निगमको जहाज भैरहवा बाटै दिल्ली र दिल्ली बाट काठमाडौ उडान भर्ने तयारी निगमको छ ।
हाल निगम सँग अन्तर्राष्ट्रिय उडानका लागि २ वटा वाइडबडी र २ वटा न्यारोबडी जहाज रहेको छ।
हाल गौतमबुद्धबाट जजिरा एयरलाइन्सले मात्र कुबेतमा उडान गर्दै आएको छ। गौतम बुद्ध अन्तर्राष्ट्रिय बिमानस्थल सन्चालन भएको केही समयपछि हिमालय एयरलाइन्सले भैरहवा बाट मलेसियामा चार्टर्ड उडान गरे पनि प्राबिधिक कारणले भन्दै उडान स्थगित गरेको करिब ३ महिना भएको छ । जजिराले पनि मौसम खराबी भन्दै रोकेको उडान फागुन अन्तिम बाट पुन सुरु गरेको छ।
