अर्घाखाँची सिमेन्ट उधोग भित्र ४ जना मजदुरको रहस्यमय मृत्यु भएको खुलसा भएको छ । गत माघ १६ गते दिउँसो भएको दुर्घटनामा ४ जना मजदुरको मृत्यु भएको बुझिएको छ ।
एक महिना अगाडी भएको उक्त घटना अहिलेसम्म गुपचुप राखिएको छ । ४/४ जनाको मृत्यु र ३ जना गम्भीर घाइते भएको बताईएको छ ।
रुपन्देहीको सियारी गाउपालिकाको वडा नम्बर २ मा रहेको अर्घाखाँची सिमेन्ट उद्योगको कोल मिलमा अचानक आगलागी हुँदा उक्त सिमेन्टमा काम गर्ने ४ जना कामदारको मृत्यु भएको हो ।
प्रहरीको रिपोर्ट पुगेपनि प्रहरीले मुचुल्का तयार पा¥र्याे तर घटना बाहिर नआउंदा घटनाशंकापस्द छ । १ नेपाली र ३ भारतीय नागरिकको मृत्यु भएको स्थानीयले बताएका छन् ।
रुपन्देही कोटहीमाई ४ बस्ने ३८ बर्षिय अंगद हरिजन, भारत उत्तर प्रदेश जिल्ला फनेहपुर ग्राम सेलवन घर भएका ५० बर्षिय जितेन्द्र कुमार, विहार गोपालगञ्ज ग्रामका २७ बर्षिय शसिकान्त कुमार कुसवाह, विहारकै समस्तपुर ग्रामका ४८ बर्षिय श्रीराम सिंहको मृत्यु भएको जिल्ला प्रहरी कार्यालय रुपन्देहीले पुष्टि गरेको छ ।
कोईलामा ग्यास लिक भएर आगलागी हुंदा ४ जना मजदुरको मृत्यु भएको बताईएको छ ।
मृतकका परिवारलाई हप्तौं दिनसम्म सामान्य घाइते भएको भनेर झुक्याएको र पछि एक्कासी लास बुझ्न बोलाएको मृत्कका आफन्तले बताएका छन् ।
उक्त घटनाको बिषयमा राष्ट्रिय मानव अधिकार आयोगसमक्ष मृतकका आफन्तले ध्यानाकर्षण गराउंदै घटनाको सत्यतथ्य बुझेर दोषी उपर कडा कारबाहीको माग र मृतक परिवारलाई उचित क्षतिपूर्तिको माग गरेका छन् ।
