बुटवलको ढबाहाबाट लागु औषध चरेश सहित तीनजना पक्राउ परेका छन् ।
बुटवल उपमहानगपालिका वडा नं १२ ढवाहा स्थित काशी प्रसाद छन्त्यालको होटलमा लागु औषध चरेशको कारोवार भई रहेको भन्ने सुचनाका आधारमा खानतलासी गर्दा १४ किलो चरेश सहित बर्ष ६५ को होटल संचालक काशी प्रसाद छन्त्याल,वाग्लुङ निसिखोला गाउपालिका वडा नं ६ बस्ने बर्ष ५० की बिरमा वुढा र सोही ठाउंकी बर्ष ३० की जेनी घर्ति मगर पक्राउ परेका हुन् ।
उनीहरुलाई नियन्त्रणमा लिई लागु औषध कसुर शिर्षकमा मुद्धा दर्ता गरी थप अनुसन्धान भई रहेको इलाका प्रहरी कार्यालय बुटवलका डीएसपी दानबहादुर थापाले जानकारी दिए ।
