बुटवल । बुटवल वडा नं ७ दिपनगरमा निशुल्क आँखा शिविर र डायबिटिज परीक्षण कार्यक्रम सम्पन्न भएको छ ।
वडा कार्यालयको आयोजनामा भएको एकदिने शिविर कार्यक्रममा ४४८ मध्ये आँखाका २८८ जना र डायबिटीजको १६० ले शिविरमा परिक्षण गरेका थिए ।
शिविरमा चेकजाँच गरेका मध्ये २५ जनामा मोतिबिन्दु समस्या देखियकोले थप उपचार को लागि अन्य अस्पतालमा जान सुझाव दिइएको हो । त्यसैगरी ५४ जनामा डायबिटीज देखिएको थियो ।
बुटवल उपमहानगरपालिका वडा नं ७ का वडा अध्यक्ष पदमराज गाहाले वडाबासीको स्वास्थ्यलाई ख्याल गर्दै स्वास्थ्य शिविरको आयोजना गरेको बताए ।
स्वास्थ्य शिविरबाट धेरै वडाबासीले लाभ लिएको भन्दै आगामी दिनमा पनि विभिन्न शिविरहरु वडाले गर्ने सो अवसरमा उनले प्रतिबद्धता समेत जनाए ।
