यस्तो रहयो– दोस्रो मिस्टर उजिरसिह बडिबिल्डिङ प्रतियोगिता (फोटो फिचर) भ्रष्टाचारको मुद्दा दायर भएपछि निलम्बित भए राप्रपाका लुम्बिनी प्रदेशसभा सदस्य यादव अक्सफोर्ड कलेजमा उत्कृष्ट नतिजा ल्याउने विद्यार्थीलाई एक लाख साठी हजारको छात्रवृति रोटरी क्लब अफ तिनाउ बुटवल द्वारा विद्यार्थीहरुलाई शैक्षिक सामग्री वितरण त्रिभुवन युनाइटेडमा फूड फेस्टिबल (तस्विरहरु) बुटवलमा खुल्यो शेरेसको थ्रिएस सुविधा सहितको शोरुम शाईन रेसुङ्गा डेभलपमेन्ट बैंक १६ औं वर्षमा, ६ करोडबाट ६ अर्ब पूग्यो पुँजी गौतम र कार्कीलाई ‘शाइन आर्थिक पत्रकारिता पुरस्कार–२०८०’ अक्सफोर्ड माविमा खाना महोत्सव तथा उद्यमशिलता कार्यक्रम (तस्वीरहरु) सिद्धबाबा सुरुङ मार्गमा धमाधम काम हुँदै, यही गतिमा अघि बढे ४ वर्षमा पुरा हुने                
समाचार :

बुटवलमा दर्ता नभएका विद्युतीय रिक्सा सञ्चालनमा रोक

बुटवलमा दर्ता नभएका विद्युतीय रिक्सा सञ्चालनमा रोक लगाइएको छ।
विद्युतीय रिक्सा सञ्चालन, व्यवस्थापन तथा नियमन सम्बन्धी कार्यविधि २०७६ अनुसार दर्ता नभएका विद्युतीय रिक्सा सञ्चालनमा रोक लगाइएको बुटवल उपमहानगरपालिकाले जनाएको छ।
यसअघि नै उपमहानगरपालिकामा दर्ता नभएका र सवारी चालक अनुमति पत्र नलिएका चालकलाई विद्युतीय रिक्सा सञ्चालनमा रोक लगाउने निर्णय गरिएको भए पनि कार्यान्वयन हुन सकेको थिएन।
विद्युतीय रिक्साका कारण बजार क्षेत्र नै अस्तव्यस्त बनेको भन्दै आइतवारदेखि भने यसअघिको निर्णय कार्यान्वयन गर्न लागिएको हो।
बुटवलमा हाल साढे ४ हजार भन्दा बढि विद्युतीय रिक्सा सञ्चालनमा रहेका छन्। तर उपमहानगरपालिकामा दर्ता भएका रिक्साको संख्या भने १ हजार २ सय ५६ मात्रै छ। यसअघि उपमहानगरपालिकाले तयार पारेको कार्यविधिअनुसार अब १ सय ८४ मात्रै विद्युतीय रिक्सा दर्ता गर्न बाँकी छ।
बुटवलमा १ हजार ४ सय ८४ वटा विद्युतीय रिक्सा आवश्यक रहेको र दर्ता गर्न बाँकि १ सय ८४ रिक्सा पनि स्वरोजगार, स्थानीय, महिला र सवारी चालक अनुमति पत्र भएकालाई मात्र प्राथमिकता दिनेगरि कार्यविधि तयार गरिएको थियो।
Esewanic
सोहि अनुसार आईतबारदेखि दर्ता नगरि गैरकानुनी रूपमा सञ्चालनमा रहेका विद्युतीय रिक्साको सञ्चालनमा रोक लगाईएको हो। दर्ता नगरी सञ्चालन भएका रिक्साका कारण दुर्घटना बढेको, अवैध गतिविधि भएको र दर्ता नभएका रिक्सा पहिचानमा समस्या भएपछि सञ्चालनमा रोक लगाइएको उपमहानगरपालिकाका प्रमुख खेलराज पाण्डेले जानकारी दिए।
पाण्डेले अब उपमहानगरपालिकामा दर्ता नभएका विद्युतीय रिक्सा सञ्चालन गरेको पाईएमा नियन्त्रणमा लिएर कानुनअनुसार कारबाही गरिने बताए।
उपमहानगरपालिकाका उपप्रमुख सावित्रा अर्यालले जथाभावी सञ्चालन गरिएका विद्युतीय रिक्साका कारण सडकमा ट्राफिक जाम भएको र नगरनै अस्तव्यस्त बन्दै गएकोले दर्ता नभएका रिक्सा सञ्चालनमा रोक लगाउनुपरेको बताईन्।
नेपाल प्रहरी राजमार्ग सुरक्षा तथा दुर्घटना नियन्त्रण कार्यालय बुटवलका प्रमुख प्रहरी उपरीक्षक श्यामकृष्ण अधिकारीले बुटवल उपमहानगरपालिकाको निर्णय कार्यान्वयनका लागि सहकार्य गर्न कार्यालय तयार रहेको बताए। उनले दर्ता नगरी सञ्चालन गरेका विद्युतीय रिक्सा सञ्चालन भएको पाइएमा नियन्त्रणमा लिएर कारबाही गरिने बताए।
बुटवलमा दुई वर्ष पहिले नै स्थानीय सरकार सञ्चालन ऐन, २०७४ को दफा ११ को उपदफा २ (ट) को खण्ड ४ को अधिकार कार्यान्वयन गर्न र सोही ऐनको दफा ११ को उपदफा ४ (ट) बमोजिम नगर क्षेत्रमा चल्ने विद्युतीय रिक्साको व्यवस्थापन शुरु भएको थियो।
अब बुटवलमा दर्ता भएर सञ्चालन भइरहेका विद्युतीय रिक्सालाई नियमन गर्ने, करको दायरामा ल्याउने र त्यसरी कानुनी दायरामा नआउनेलाई खारेज गर्ने र नयाँ प्रक्रिया शुरु गर्ने उपमहानगरपालिकाले जनाएको छ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार