बुटवल ।
सवारी साधन चलाउदा चलाउदै ड्राइभर निदाउदा धेरै दुर्घटना हुने गरेका छन । यो समस्यालाई कम गर्न विज्ञान विषय अध्ययनरत विद्यार्थीले सवारी साधन चलाउदा ड्राईभरलाई निदाउन नदिने र निदाएमा गाडी रोकिने यन्त्र बनाएकी छन ।
कालिका मानवज्ञान माबिले ६२ औं वार्षिकोत्सबको अवसरमा आयोजित विज्ञान प्रदर्शनिमा सोही विद्यालयमा कक्षा १२ मा अध्ययनरत विद्यार्थी प्रतिमा शर्माले बनाएको गाडी चलाउदा ड्राईभरलाई निदाउन नदिने यन्त्रले धेरै दर्शकलाई आकर्षित गरेको थियो ।
शर्माले बनाएको एन्टिस्लिप अलार्मलाई लाई चश्मामा जडान गरेर प्रयोग गर्नुपर्छ । चश्मा जडित यन्त्रले ड्राईभरको आँखा बन्द हुन थालेपछि अलार्म बजाएर संकेत गर्छ र केही सेकेन्डमा पनि आँखा नखोलेमा गाडिको इन्जिन बन्द गरिदिन्छ ।
पुस्तक अध्ययन र इन्टरनेटको अध्ययनबाट आफुले यस्तो यन्त्र बनाउन सकेको र यसले रिमोट सेन्सरको मद्दतले काम गर्ने विद्यार्थी शर्माले बताईन ।
विद्यार्थीले बनाएको यो यन्त्रलाई परिस्कृत बनाएर ब्यवसायिक प्रयोग गर्न सकिने बिज्ञान प्रदर्शनीका संयोजक कृष्ण प्रसाद अधिकारिले बताए ।
बिज्ञान प्रदर्शनिमा विद्यार्थीहरुले बनाएका सय भन्दा बढी उपकरण र प्रविधी प्रदर्शन गरिएको थियो ।
