बुटवल । एकिकृत समाजबादीकी सचिव रामुकमारी झाक्रिलाई पराजित गर्दै गुल्मी–२ बाट एमालेका सचिव गोकर्ण बिष्ट विजयी भएका छन् । विष्टले २८ हजार ४८५ पाउँदा उनका निकटम प्रतिस्पर्धी झाक्रीले २६ हजार ४४१ मत प्राप्त गरिन् ।
गोकर्ण विष्ट पाँचौ पटक चुनावी प्रतिस्पर्धामा थिए । २०५६, २०६४, २०७०, २०७४ मा पनि उनी गुल्मी बाट उम्मेदवार थिए । उनी, २०६४ बाहेक सबै चुनावी प्रतिस्पर्धामा विजयी भएका भएका छन् । विष्टको यस पटकको जीत २०७० यताको लगातार तेस्रो जीत हो । त्यसैगरी गुल्मी क्षेत्र नं. २ का प्रदेश सभा तर्फका दुवै क्षेत्रमा एमाले विजयी भएको छ । बुधबार सम्पन्न भएको मतगणनामा गुल्मी २(१) मा एमालेका डिल्लीराज भुसाल विजयी भए भने गुल्मी २(२) मा एमालेकै दिनेश पन्थी विजयी भएका छन । भुसालले १४ हजार २८५ मत प्राप्त गर्दा उनका प्रतिस्पर्धी गठबन्धनबाट उम्मेदवार बन्नुभएका भुवन श्रेष्ठले १३ हजार २३६ मत प्राप्त गरे । यसैगरी २(२) मा दिनेश पन्थीले १३ हजार ९२९ मत प्राप्त गरे । उनका प्रतिस्पर्धी गठबन्धनबाट उम्मेदवार बनेका माओवादी केन्द्रका बुद्धि जि.सीले १३ हजार ८१९ मत प्राप्त गरे ।