नेपालगन्ज । बाँके क्षेत्र नम्बर २(१) बाट जसपाका भण्डारीलाल यादव विजयी भएका छन् । यादव जारी मतगणनामा बाँकेबाट विजयी घोषणा हुने पहिलो उम्मेदवार बनेका छन्।
जनता समाजवादी पार्टीका यादवले २१४६ मतान्तर सहित विजयी भएका हुन् । उनले ११५०४ मत प्राप्त गर्दा दोस्रो स्थानमा रहेका नेकपा एमालेका विजय बहादुर यादवले ९३५८ मत पाए भने नेपाली कांग्रेसका राज कुमार कुर्मीले ८७३१ मत पाएका छन् ।
बाँके क्षेत्र नम्बर २ को मतगणना नेपालगन्ज स्थित भेरी प्राविधिक शिक्षालयमा भैरहेको छ । औपचारीक घोषणा हुन भने बाँकी छ ।
बाँके क्षेत्र नम्बर २(१)मा ३५८६८ मत खसेको थियो । त्यसमा ३३४८५ मत सदर भएको थियो भने २३८३ मत बदर भएको थियो ।
