अहिले त गठबन्धनको समर्थन जनमुक्तिलाई भएसंगै कतिपयले पौडेलले यो निर्वाचनमा ‘वाक ओभर’ पाएको विश्लेषण समेत गर्न थालेका छन् ।
‘कर्जा सूचना केन्द्रको कालोसूचीमा रहेकाले’ गुरुङ उम्मेदवार बन्न अयोग्य हुने निर्णय भएपछि पौडेल संग चुनावी प्रतिस्पर्धामा उत्रिएका थापा त्यति परिचित नाम भने होईन । देशभर पार्टी सञ्जाल भएको बताइएपनि यसको प्रभाव नगन्य छ ।

रुपन्देहीको तिलोत्तमामा अन्य १५ पालिकामा भन्दा केही राम्रो छ । तिलोत्तमाको जम्मा १–५ वटा वडा मात्र यो निर्वाचन क्षेत्रमा पर्दछन् ।
यो क्षेत्रमा १८ जनाले प्रतिनिधि सभामा उम्मेदवारी दिएकामा गुरुङसहित तीन जनाको खारेजी भएको थियो।

त्यसपछि आयोगले १५ जनाको अन्तिम नामावली प्रकाशन गरेको थियो। यी १५ मध्ये गठबन्धनले जनमुक्तिलाई समर्थन गरेको हो ।

राष्ट्रिय जनमुक्ति पार्टीका महासचिव टोप अस्लामीले गठबन्धनले आफ्नो उम्मेदवार थापालाई सहयोग गरेको पुष्टि गर्दै गठबन्धनलाई कहाँ सहयोग गर्ने बारे अहिले पनि छलफल भइरहेको बताए ।

गठबन्धनले थापालाई समर्थन गरे संगै जनमुक्ति पार्टीले रुपन्देही क्षेत्र नं. २ बाट प्रदेश सभा उठाएका दुवै जना उम्मेदवारलाई निष्कृय बनाउने समझदारी भएको छ । यसो हुँदा प्रदेश सभा तर्फ गठबन्धनका उम्मेदवारलाई जनमुक्तिले सहयोग गर्नेछ ।
तेस्रो ठूलो शक्ति हो जनमुक्ति पार्टी
बुटवल उपमहानगरको १ देखि १३, सैनामैनाको १ देखि ४ र तिलोत्तमाको १ देखि ६ नम्बर गरी २३ वटा वडा पर्ने रुपन्देही क्षेत्र नं। २ मा कुल एक लाख २८ हजार ६७७ मतदाता छन ।
स्थानीय तह निर्वाचन २०७९ मा वडाध्यक्षका उम्मेदवारले पाएको मतका आधारमा रूपन्देही क्षेत्र नं. २ मा कांग्रेसको ३४ हजार ९५९, एमालेको ३३ हजार १८७, राप्रपा तीन हजार ९२०, माओवादी तीन हजार १८८, एकीकृत समाजवादी एक हजार ३८२, जसपा १८३ मत छ । गठबन्धनमा कांग्रेस, माओवादी, एकीकृत समाजवादी भएका कारण गठबन्धनपछिको तेस्रोमा यहाँ जनमुक्ति पार्टी छ । दोस्रोमा एमाले छ ।

२०७४ सालको निर्वाचनमा पनि जनमुक्ति पार्टी तेस्रो स्थानमा थियो। जनमुक्ति पार्टीका रूपबहादुर पुनले तीन हजार ५६८ मत पाएका थिए । गत वैशाखमा भएको निर्वाचनमा खासगरी बुटवलमा जनमुक्तिले कांग्रेसका खेलराज पाण्डेयलाई सहयोग गरेका कारणले पनि गठबन्धनले थापालाई समर्थन गर्ने बलियो आधार देखिएको छ ।
राजनीतिक विश्लेषक ऋषि आजाद रुपन्देही क्षेत्र नं. २ मा अब पौडेलको विकल्प नभएको बताए ।
पौडेललाई ‘वाक ओभर’
अब रुपन्देही क्षेत्र नं.२ मा पौडेललाई संघीय संसद् छिर्ने बाटो सहज बन्दै गइरहेको छ । गठबन्धनले जनमुक्ति पार्टीलाई समर्थन गरेपनि पौडेल निर्विकल्पको रुपमा प्रस्तुत भएका छन् ।

यहाँका कतिपय उद्योगी व्यवसायीले पौडेलको विकल्प अरु हुन नसक्ने समेत बताइसकेकाले पौडेललाई यस पटक पनि संघीय संसदको यात्रा सहज बनेको छ ।
गठबन्धनका कतिपय नेताहरु भने अब रुपन्देहीको २ नं. क्षेत्रबाट पौडेलको विकल्प स्वीकार गर्दै बालकृष्ण खाँणको निर्वाचन क्षेत्र नं. ३ मा केन्द्रीत हुने बताएका छन् ।

विशेषतः यसमा नेपाली कांग्रेसले भित्रभित्रै रणनिती बनाएको छ । खांणकै क्षेत्रमा जनमुक्ति पार्टीले पनि समर्थन गर्ने भएकाले अब एमालेको समर्थनमा राप्रपाबाट उम्मेदवार बनेका दिपक बोहोरालाई रोक्न सक्ने भन्दै गठबन्धन यतिबेला लागेको छ ।
यो क्षेत्रबाट २०६४, २०७० र २०७४ को चुनावमा लगातार जितेर ह्याट्रिक गरेका पौडेलले दुई पटक अर्थमन्त्री, जलस्रोत, रक्षासहित उपप्रधानमन्त्रीको जिम्मेवारी पूरा गरिसकेका छन।