गएराति काठमाडौँबाट दाङ जाँदै गरेको बस कपिलवस्तुमा दुर्घटना हुँदा २९ जना घाइते भएका छन्।
जिल्ला प्रहरी कार्यालय कपिलवस्तुका अनुसार लु.प्र-०२००१ ख ००४५ नम्बरको बस दुर्घटनामा परेकाे हाे।
घाइतेमध्ये तीन जनको अवस्था गम्भीर रहेको प्रहरीले जनाएको छ।
गम्भीर घाइतेलाई स्थानीय स्वास्थ्य संस्थामा सामान्य उपचार गरेर थप उपचारको लागि बुटवल लगिएको छ।
बाँकी घाइतेको चन्द्रौटास्थित सन्जिवनी सामुदायिक अस्पतालमा उपचार भइरहेको प्रहरीले जनाएको छ।
कपिलवस्तुको चन्द्रौटा र गोरुसिङ्गेको सीमा क्षेत्रमा पर्ने बेल नदी नजिकै बस दुर्घटनामा परेको प्रहरीले जनाएकाे छ।
