राप्रपाबाट लुम्बिनी प्रदेश सभा सदस्य निर्वाचित कपिलवस्तुका जानकीप्रसाद यादवको निलम्बन फुकुवा गरिएको छ । सभामुख तुलाराम घर्तीमगरले प्रदेश सभाको ११ औं बैठकमा यादवको सांसद पद फुकुवा भएको सदनलाई जानकारी गराए ।
सार्वजनिक सम्पत्ति वन पैदावारको हानी नोक्सानी गरेको शीर्षकमा विशेष अदालतमा मुद्दा दायर भएपछि फागुन ११ गते मुद्दाको अन्तिम किनारा नलगेसम्म लुम्बिनी प्रदेश सभाले सांसद पदबाट निलम्बन गरेको थियो । यादवले अदालतबाट सफाई पाएको प्रदेश सभामा पत्र आएपछि सांसद पद फुकुवा भएको सभामुख घर्तीले जानकारी गराए ।
यादव राप्रपा कपिलवस्तु प्रदेशसभा ३ ‘ख’ बाट प्रदेश सभामा निर्वाचित भएका थिए । राप्रपाका लुम्बिनी प्रदेश सभामा चार जना सांसद रहेका छन् ।
