बुटवल । बहालवाला अध्यक्ष डम्बर शर्मालाई पराजित गरी नेकपा एमाले कपिलवस्तुको अध्यक्षमा बाबुराम खनाल विजयी भएका छन् । शर्मालाई पराजित गर्दै खनाल पार्टीको १० औं जिल्ला अधिवेशनबाट अध्यक्षमा निर्वाचित भएका हुन् ।
५५९ जना प्रतिनिधि रहेकोमा ५३२ जनाले मतदान गरेका थिए । खनालले २७८ मत ल्याएर विजयी हुँदा शर्माले २५३ मत ल्याएका थिए । यसैगरी उपाध्यक्षमा शंकर पाण्डेले ३१२ मत ल्याएर विजयी भएका छन् । उनका प्रतिस्पर्धी भेषराज पाण्डेले २०१ मत ल्याएका छन् ।
त्यसैगरी सचिवमा सिबी गहतराज विजयी भएका छन् । उनले ३०४ मत ल्याउँदा उनका प्रतिस्पर्धी विश्व कार्कीले २१२ मत ल्याएका थिए । त्यसैगरी उपसचिव खुलामा देवीप्रसाद पोखरेल र महिला उपसचिवमा शुशीला दर्लामी विजयी भएका छन् ।
