बुटवल । लुम्बिनी प्रदेशमा आज सानो आकारको मन्त्रिमण्डल गठन हुँदैछ । शनिबार मात्र मुख्यमन्त्रीमा नियुक्त भएका माओवादीका संसदिय दलका नेता जोखबहादुर महराले आज सानो मन्त्रिमण्डल गर्न गर्न लागेका हुन ।
पौने दुई बजे मुख्यमन्त्रीले प्रदेश प्रमुख अमिक शेरचनबाट पद तथा गोपनियताको सपथ लिनेछन् । त्यसपछि थप तीन मन्त्रीले सपथ लिनेछन् ।
पहिलो चरणमा सरकारमा माओवादी सहित नेकपा एमाले र जनता समाजबादी पार्टी (जसपा)ले सहभागिता जनाउँनेछ ।
माओवादीबाट दिपेन्द्र पुन मन्त्री बन्नेछन् । त्यस्तै एमालेबाट दलका उपनेता चेतनारायण आचार्य र जसपाबाट भण्डारीलाल अहिर मन्त्रीबन्नेछन् ।
पहिलो चरणमा तीन जना मन्त्रीले शपथ लिने र बाँकी विश्वासको मत लिएपछि थप मन्त्री नियुक्त गरिने जनाइएको छ।
केन्द्रमा सत्तागठबन्धनमा आएको फेरबदल सँगै मुख्यमन्त्री डिल्लीबहादुर चौधरीले राजिनामा दिएपछि पाँच राजनितिक दलका ४७ र एक स्वतन्त्र सांसद गरी ४८ जनाको समर्थनमा माओवादी संसदिय दलका नेता महरा मुख्यमन्त्रीमा नियुक्त भएका थिए ।
