नेकपा एमाले रोल्पाको अध्यक्षमा अमृत बुढामगर निर्वाचित भएका छन् । एमाले रोल्पाको सातौं जिल्ला अधिवशेनमा १९५ मतसहित बुढामगर अध्यक्षमा निर्वाचित भएका हुन् । उनका प्रतिस्पर्धी घनश्याम आचार्यले ११२ मत ल्याए । उपाध्यक्षमा विजय घर्तीमगर निर्विरोध भए ।
सचिवमा नेपबहादुर थापा विजयी भएका छन् । थापाले १८२ मत ल्याउँदा प्रतिस्पर्धी ठाकुरप्रसाद वलीले ११२ मत ल्याएका थिए । उपसचिवमा बमबहादुर पुन विजयी भएका छन् ।
उनका प्रतिस्पर्धी प्रेमराज बुढाले ८० मत ल्याए । त्यसैगरी महिला उपसचिवमा रमिता डाँगी विजयी भएकी छन् । उनका प्रतिस्पर्धी कृष्णीकुमारी गौतमले ६१ र तारा सेनले २५ मत ल्याएका छन् ।
त्यसैगरी, ५ जना खुला सदस्यहरूमा सन्तोष बाठा, कमानसिंह पुनमगर, धनबहादुर बस्नेत, रामचन्द्र बुढामगर, परबिर बिक, विजयी भएका छन् । अधिवेशनमा ३८१ प्रतिनिधि सहभागी थिए ।
