८७ जना सांसद सहभागी लुम्बिनी प्रदेशमा हाल कांग्रेसका डिल्लीबहादुर चौधरी मुख्यमन्त्री छन् । नयाँ गठबन्धन बनेसँगै उनको सरकार ढालेर नयाँ सरकार बनाउने चलखेल सुरु भइसकेको छ । तर, नयाँ गठबन्धनलाई प्रदेशसभामा बहुमत जुटाउन भने सहज देखिएको छैन ।
सबैभन्दा ठुलो पार्टी भएर पनि सरकारको नेतृत्व गर्न नसकेको एमाले यो प्रदेशमा मुख्यमन्त्री बनेर सरकार हाँक्न चाहन्छ । तर, नयाँ गठबन्धनका लागि एमालेका २९, माओवादीको ११ (सभामुखसहित), जसपाका ३ र एकीकृत समाजवादीका १ सांसद गरी ४४ सांसद छन् । सभामुखले निर्णायक मत दिन मात्रै पाउने अवस्था रहेका कारण उक्त गठबन्धनलाई थप १ मत आवश्यक पर्ने देखिन्छ । उता केन्द्रीय सत्ता गठबन्धन इतरपक्षको कांग्रेसको २७, राप्रपाको ४, नागरिक उन्मुक्ति पार्टीको ४, जनमतको ३, लोसपाको ३, राष्ट्रिय जनमोर्चाको १ र स्वतन्त्र १ सांसद छन् । ८७ सदस्यीय प्रदेश सभामा बहुमतका लागि कम्तीमा ४४ सांसद आवश्यक पर्छ । अल्पमतमा पुगिसकेको वर्तमान सरकारलाई विस्थापित गरेर नयाँ सरकार बनाउनका लागि नयाँ गठबन्धन दल माओवादीले कि सभामुखबाट राजीनामा दिनुपर्ने वा अर्को कुनै राजनीतिक दललाई आफूतिर तान्न सक्नुपर्ने देखिन्छ ।
तर राप्रपा नयाँ सरकारमा जान तयार छैन् ।
लुम्बिनी प्रदेश
एमालेका २९
माओवादी ११ (सभामुखसहित)
जसपाका ३
एकीकृत समाजवादी १
जम्माः ४४
…………………..
कांग्रेस २७
राप्रपा ४
नागरिक उन्मुक्ति पार्टी ४
जनमत ३
लोसपा ३
राष्ट्रिय जनमोर्चा १
स्वतन्त्र १
जम्मा ४३
जम्मा प्रदेशसभा संख्या ८७ (बहुमत ४४)
