राष्ट्रियसभा सदस्य पदका लागि लुम्बिनी प्रदेशमा भएको मतदानमा अब ४ मत मात्र खस्न बाँकी छ ।
निर्वाचन अधिकृत कुलप्रसाद पाण्डेले बिहीवार सवा २ बजेसम्म प्रदेशसभातर्फ पूरै र पालिकाका २१४ मत खसेको जानकारी दिए ।
निर्वाचनमा ३०५ मतदाता रहेका छन् । लुम्बिनीमा ८७ प्रदेशसभा सदस्य र २१८ पालिका प्रमुख उपप्रमुख रहेका छन् ।
घोराहीस्थित कर्मचारी मिलन केन्द्रका २ वटा मतदान केन्द्रमा मतदान भइरहेको छ । लुम्बिनीमा २ पदका लागि ६ जना उम्मेदवार मैदानमा छन् ।
लुम्बिनीमा अन्यतर्फ नेकपा (माओवादी केन्द्र)का नेता झक्कुप्रसाद सुवेदी, नेकपा (एमाले)बाट झपेन्द्र जीसी र जनमत पार्टीबाट बालगोविन्द चौधरीलगायत उम्मेदवार छन् । मतदान सकिएलगतै मतगणना शुरू गरिने निर्वाचन अधिकृत पाण्डेले जानकारी दिए ।
