बुटवल । नेपाली कांग्रेस रुपन्देही क्षेत्र नं. २ को सभापती चयनमा सहमती नभएपछि संस्थापन पक्ष र ईतर पक्ष दुवैले उम्मेदवार खडा गरेका छन् ।
स्थानिय तहको निर्वाचनमा उम्मेदवार सिफारिसको विषयलाई लिएर असन्तुष्ट हुंदै सभापती हरी लम्साल ०७९ बैशाख ९ गते साधारण सदस्य समेत नरहने गरी राजिनामा दिएका थिए ।
उक्त पद १८ महिना देखि रिक्त छ । बुधबार बुटवलमा शेखर कोइराला समुहले बुटवल उपमहानगरपालिकाका नगरप्रमुख खेलराज पाण्डेयको उपस्थितीमा फर्सुराम ढकाललाई सभापतीको उम्मेदवार बनाउने घोषणा गरेको छ ।
सहमतीको प्रयास विफल भएपछि सभापती पदका लागि ढकाललाई अगाडि सारिएको कोइराला पक्षको भनाई छ ।
सो अवसरमा ढकालले पार्टीलाई एकताबद्ध, गतिशिल र आउंदो निर्वाचनमा बढि भन्दा बढि सिट ल्याउने योजना सहित आफु सभापतीमा उठ्न लागेको बताए ।
पार्टी भित्र रहेका असन्तुष्ट हटाउने र पार्टीलाई साझा बनाउने आफ्नो प्रमुख भुमिका हुने उनको भनाई छ ।
असोज २७ गते हुने सभापती निर्वाचनमा ६७२ प्रतिनिधीले मतदान गर्नेछन् ।
संस्थापन पक्षबाट भने प्रजापाल गिरी सभापतीको उम्मेदवार बन्ने सम्भावना बढि छ । यद्यपी औपचारिक निर्णय भने उक्त पक्षबाट गराइएको छैन् ।
