नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले विज्ञान प्रबिधिको शिक्षा नै अहिलेको आवश्यकता भएको बताएका छन् ।
अनेरास्ववियु रुपन्देहीको आयोजनामा २०७९ सालको एसईई परीक्षामा उत्कृष्ट नतिजा हासिल गर्ने विद्यार्थीलाई भर्चुवल रुपमा सम्मान गर्दै अध्यक्ष ओलीले अहिलेको आबश्यकता भनेको नै बिज्ञान प्रविधि भएको हुंदा प्राबिधिक शिक्षमा जोड दिनुपर्ने बताए । उनले विज्ञान प्रबिधिको माध्यमबाट उपयुक्त ढंगबाट अध्ययन अध्यापन गर्न सकिने बताए ।
विद्यार्थीलाई उच्च शिक्षा हासिल गर्न विदेश जानुपर्ने वाध्ययताको अन्त गरी नेपालमा उच्च शिक्षा हासिल गर्ने बताबरण मिलाउनु पर्ने बताए । नेकपा एमालेको सरकाले शिक्षामा नयां सोंच ल्यार अगाडी बढेको दाबी गर्दै अहिलेको सरकारले शिक्षा क्षेत्रमा कुनै पनि खालको परिवर्तन गर्न नसकेको आरोप बताए ।
कार्यक्रममा बोल्दै अनेरास्ववियुका केन्द्रीय अध्यक्ष समिक बरालले अनेरास्ववियुले देशभर नै एसईई परीक्षामा उत्कृष्ण नतिजा ल्याउने विद्यार्थीलाई सम्मान गरेको बताए । उनले अनेरास्ववियु विद्यार्थीको हक हितका निम्ती निरन्तरण लडने संगठन भएको बताउंदै शिक्षा क्षेत्रलाई बलियो बनाउन देशभर बिभिन्न खालका कार्यक्रमहरु गर्दै आएको बताए ।
कार्यक्रममा नेकपा एमाले रुपन्देही अध्यक्ष तेजेन्द्र केसी, अनेरास्ववियुका स्थायी कटिटी सदस्य लेखनाथ खनाल, अभिभावक संघका अध्यक्ष लोकनाथ ज्ञावाली, नेकपा एमालेका नेता ऋषि पाण्डे, बाबुराम पन्थी, किसन ज्ञावाली, राजेन्द्र ढकाल ,युवराज घिमिरे, एम पाण्डे, सरोज पोखरेल, साजन भण्डारी, बालकृष्ण पाण्डे शेषकान्त पोखरेल लगायतले बोलेका थिए ।
अनेरास्ववियु रुपन्देही अध्यक्ष रमेश ढकालको अध्यक्षयता, उपाध्यक्ष भरत अर्यालको स्वागत र सचिव प्रकास पराजुलीको सन्चालनमा कार्यक्रम भएको हो । कार्यक्रममा सामुदायिक र नीजि बिद्यालयका गरी छ सय बिद्यार्थीलाइ सम्मान गरिएको छ ।
