दुई दिन लगातार अवरुद्ध भएको लुम्बिनी प्रदेशको प्रदेशसभाको बैठक आज पनि बस्दैछ । दिउँसो १ बजेका लागि बोलाइएको बैठक आज पनि प्रमुख प्रतिपक्षी दल एमाललेका सासंदहरुले अवरुद्ध गर्ने तयारी गरेका छन् ।
आर्थिक वर्ष २०८०/०८१ को बजेटमाथिको छलफल गर्न असार १३ गते बोलाएको बैठक आधा घण्टा चलेर स्थगित भएको थियो । यस्तै असार १७ गतेको बैठक ५ मिनेटमै अवरुद्ध भएको थियो । विपक्षी दलसँग छलफल गरेर संसद चलाउने सत्तापक्षको कसरत छ । यता प्रमुख प्रतिपक्षी एमालेले भने लिखित प्रतिबद्धता नआएसम्म संसद चल्न नदिने अडान लिएको छ ।
प्रतिपक्षी सांसदले प्रदेश निर्देशनालय खारेज गर्ने निर्णय फिर्ता हुनुपर्ने र बजेटमा भएको मनोमानी सच्याउनु पर्ने माग गर्दै आएका छन् ।
प्रतिपक्षी दल नेकपा एमालेको संसद अवरोधका कारण लुम्बिनी प्रदेशमा आर्थिक वर्ष २०८०/०८१ को बजेटमाथिको छलफल अगाडि बढ्न सकेको छैन । लुम्बिनीमा प्रदेश सरकारले असार १ गते ४० अर्ब ४७ करोड ८९ लाख बराबरको बजेट ल्याएको थियो ।
