लुम्बिनी प्रदेशमा नयाँ सरकार गठनको आव्हान गर्ने तयारी भएको छ । गण्डकी प्रदेशमा संविधानको धारा १६८ को उपधारा २ अनुसार सरकार गठनको आह्वान भएसँगै सोहीअनुसार लुम्बिनी प्रदेशमा आजै सरकार गठनको आह्वान गर्ने तयारी भएको बताइएको छ ।
प्रदेश प्रमुख अमिक शेरचनले सोमबार नै बजेट निर्माणको समय आइसकेकाले सकेसम्म छिटै सरकार बनाउने गरी अगाडि बढ्ने संकेत गरेका थिए । सोमबार नै एमालेले धारा ३ र विपक्षी ८ दलले २ अनुसार सरकार बनाउन दाबी पेश गरेपछि शेरचनले महान्यायाधिवक्ता कार्यालयमा लिखित राय मागेका थिए ।
प्रदेश प्रमुख कार्यालय स्रोतले मंगलबार नै धारा २ अनुसार सरकार गठनको आह्वान हुन सक्नेगरी तयारी भएको जनाएको छ ।
