सबैभन्दा ठूलो दल नेपाली कांग्रेसको संघीय सांसद र प्रदेशसभा सदस्य गरी २ सय ७३ मतदाता छन् । उनीहरुको मतभार १६ हजार १ सय ४२ छ । त्यस्तै दोस्रो पार्टी नेकपा एमालेको संघ र प्रदेशमा गरी २ सय ५६ जना मतदाता छन् । उनीहरुको मतभार १५ हजार २ सय ३३ छ । संघीय सरकारको नेतृत्व गरिरहेको माओवादी केन्द्रको १ सय २९ मतदाता छन् । उनीहरुको मतभार ७ हजार ६ सय ४९ हुन्छ । त्यसैगरी नेकपा एकीकृत समाजवादीका ४२ जना मतदाताको मतभार २ हजार ५ सय ७४ छ । ३५ जना मतदाता रहेको जसपाको मतभार २ हजार १ सय ४५ हुन्छ ।

राप्रपाका ४२ जना मतदाताको मतभार २ हजार ४ सय ५० छ । त्यस्तै राष्ट्रिय स्वतन्त्र पार्टीका १९ जना मतदाताको मतभार १५ सय १ मात्रै छ । २२ मतदाता रहेको जनमत पार्टीको मतभार १ हजार २ सय ४२ छ भने १७ मतदाता रहेको लोसपाको ९ सय ७१ मतभार छ । त्यसैगरी १५ मतदाता रहेको नागरिक उन्मुक्तिको ८ सय १३ मतभार हुँदा ३ जना सांसद भएको जनमोर्चाको मतभार २ सय ६ छ । ४ सांसद भएको नेमकिपाको २ सय २३ मतभार छ । प्रदेशमा मात्रै २ जना सदस्य रहेको हाम्रो नेपाली पार्टीको ९६, एक/एक सदस्य भएका नेपाल संघीय समाजवादी पार्टी र नेपाल समाजवादी पार्टीको ४८/४८ मतभार छ । संघ र प्रदेशमा गरी १८ जना स्वतन्त्र मतदाता छन् । उनीहरुको मतभार १ हजार ५० छ । त्यसैगरी राष्ट्रपतिबाट मनोनित ३ जना सांसदको मतभार २ सय ३७ छ ।