योगिकुटीमा डेढ करोडको लागतमा गणपती मिष्ठान्नको सातौं शाखा खुल्यो देवदह नगरपालिकामा तालाबन्दी – ‘मेयर र अधिकृतको काम गर्ने शैलीबाट आत्तिएर आक्रमण’ लुम्बिनी अस्पताललाई पश्चिम क्षेत्रकै विशिष्टकृत अस्पतालको रुपमा बिकास गछौं- मन्त्री खनाल बुटवलको पशु बधशाला सञ्चालनको तयारी आजको मौसम: यी प्रदेशमा वर्षा र हिमपातको सम्भावना को हुन् ? प्रहरीको हतियार खोस्न खोज्ने देवदहका जनप्रतिनिधी ! (फोटो फिचर) मगर दिवस : भाेलि बुटवल उपमहानगरमा स्थानीय बिदा मगर दिवस : फागुन १५ गते तिलोत्तमामा स्थानीय बिदा नवनियुक्त याेजना प्रमुखलाई लुम्बिनीमा स्वागत प्रहरीले बोकेको टियर ग्याँसको हतियार कांग्रेस र राप्रपाका जनप्रतिनिधिले खोस्ने प्रयास गरेपछि देबदह नगरपालिकामा तनाव                
समाचार :

स्थानीय सरकार संग कानून सिक्दै कालिकाका विद्यार्थीहरु

बुटवल ।
कालिका मानवज्ञान माविका कानूनका विद्यार्थीहरुको स्थानीय सरकारसंग कानूनका विद्यार्थीहरु कार्यक्रम मंगलबारदेखि शुरु भएको छ।
कानूनका विद्यार्थीहरुलाई स्थानीय सरकारका काम कारवाहीको बारेमा स्थलगत जानकारी दिन, स्थानीय योजना निर्माण तथा कानून निर्माण प्रक्रियालाई व्यवहारिक रुपमा बुझ्नको लागि १५ दिने कार्यक्रम अन्तर्गत वार्ड कार्यालयहरुमा पठाईएको छ। लुम्बिनी प्रदेशका २४ पालिकाका ६७ वटा वार्ड कार्यालयहरुमा रहेर विद्यार्थीहरुले व्यवहारिक कानूनी अभ्यास गर्ने कार्यक्रम रहेको विद्यालयका कानून समुहका इन्चार्ज युवराज कंडेलले बताए। उनका अनुसार कानून समुहमा अध्ययनरत कक्षा १२ का १०६ जना विद्यार्थीहरुले लुम्बिनी प्रदेशका नवलपरासी, रुपन्देही, पाल्पा, अर्घाखाची, गुल्मी, कपिलवस्तु, अर्घाखाँची, प्युठान, दांग, बाँके तथा गण्डकी प्रदेशका बाग्लुंग र नवलपुर जिल्लाका पालिकाका वार्ड कार्यालयमा रहेर अभ्यास गर्नेक र ३ दिन स्थानीय न्यायिक समितिसंग बसेर सिक्नेछन।
पालिकाका वार्ड कार्यालयहरुमा विद्यार्थीहरुले वार्डले प्रदान गर्ने सेवा र त्यसको प्रक्रिया, योजना निर्माण र माग प्रक्रिया, समुदाय र पालिका सम्बन्ध, अनुदान माग र वितरण प्रक्रिया, मेलमिलाप प्रक्रियाका साथै वार्डको अवस्था र सवल पक्षको बारेमा अध्ययन गर्नेछन। उक्त कार्यक्रम अन्तर्गत विद्यार्थीहरुले स्थानीय टोल समिति, महिला समूह र बाल क्लबहरुको लागि कानूनी साक्षरता कक्षाहरु पनि संचालन गर्ने कार्यक्रम निर्धारण गरिएको छ।
कालिका मानवज्ञान माविले विद्यार्थीहरुमा कानूनको व्यवहारिक ज्ञान र सिप विकास गर्नको लागि कानूनका विद्यार्थीको लागि नमूना संसद, अभ्यास अदालत, प्रहरीसंग विद्यार्थी कार्यक्रम, समुदायमा कानूनी साक्षरता कार्यक्रम, मानव अधिकार कार्यक्रम लगायतका कार्यक्रमहरुलाई वार्षिक कार्यक्रम अन्तर्गत राखेर नियमित रुपमा संचालन गर्दै आएको र यस्ता कार्यक्रमले विद्यार्थीहरुलाई कानून, विधिको शासन तथा समुदाय बुझ्न र सिकाईलाई दिगो बनाउन सहयोग पुगेको विद्यालयका प्रधानाध्यापक दिनेश थापाले बताए।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार