बाँकेमा बसको ठक्करबाट एक महिलाको मृत्यु, घटनास्थलमा तनाव सिद्धार्थ राजमार्गअन्तर्गत दोभान क्षेत्रको कालोपत्र गुणस्तर नपुगेको भन्दै उप्काउन थालियो लुम्बिनीका ‘धनी सांसद’मा नैतिकताको खडेरी (ईन्फोग्राफिक्स सहित) तिलोत्तमा–५ मा का सडक वत्ती जडान गर्दा भेटियो ‘अनियमितता’ लियो सिद्धबाबाको रक्तदानमा ४५ यूनिट संकलन तिलोत्तमाबाट देखिएको खुलेको आकाश (फोटो फिचर) धेरै भूभागमा पानी पर्दै, अबको ३ दिन कता-कता छ भारी वर्षाको सम्भावना? बुटवल बसपार्कमा सुविधासम्पन्न स्नानगृह सञ्चालनमा सभामुख न मन्त्री, ओलीले किन काटे छविलाल विश्वकर्माको नाम ? रुपन्देहीमा एक हप्तामा ३१ हजार सवारी चालकलाई लेन अनुशासन शिक्षा                
समाचार :

मुख्यमन्त्री विदेश भएका बेला ज्वाइँ सहित १३ जनालाई अर्थमन्त्रीले नियुक्ति बाँडे

माओवादी केन्द्रको कोटाबाट लुम्बिनी प्रदेशको आर्थिक मामिलामन्त्री भएका धनबहादुर मास्की विवादमा परेका छन् । मास्कीले तिहारअघि मुख्यमन्त्री डिल्ली चौधरी र माओवादी केन्द्रलाई चकित पार्ने निर्णय गरेका छन् । त्यही विवादले प्रदेशदेखि केन्द्रसम्म हल्लीखल्ली भएको छ ।

आर्थिक मामिलामन्त्री मास्कीले मुख्यमन्त्री चौधरी अमेरिका भ्रमणमा गएको मौका पारेर मन्त्रिपरिषद् बैठक डाके । मन्त्रिपरिषद्‌मा दोस्रो वरीयतामा रहेका स्वास्थ्यमन्त्री राजु खनाल पनि अमेरिका भ्रमणमा थिए । उनीहरू दुवै जना नभएकोले कार्यवाहक मुख्यमन्त्रीको जिम्मेवारी आर्थिक मामिला मन्त्री मास्कीले पाएका थिए । त्यही मौकामा पारेर मास्कीले मन्त्रिपरिषद् बैठक राखेर प्रदेशका १३ वटा अस्पताल विकास समितिको अध्यक्ष नियुक्त गरिदिए ।

२३ कात्तिकमा मन्त्रिपरिषद् बैठक राखेर मास्कीले ती नियुक्त गरेका थिए । मुख्यमन्त्री चौधरी र खनाल विदेशमा भएका बेलामा मास्कीले मन्त्रिपरिषद् बैठक बोलाउँदा प्रमुख सचिव पनि थिएनन् । त्यही बेलामा मास्कीले आफ्ना भाञ्जीज्वाइँ दीपकबहादुर शाहलाई राप्ती प्रादेशिक अस्पतालको अध्यक्ष नियुक्त गरे । मास्कीले ज्वाइँसहित १३ जना अध्यक्ष नियुक्त गरेको विषय अहिले विवादमा परेको छ ।

सत्ता गठबन्धन र माओवादी केन्द्रभित्र पनि हलचल ल्याएको यो घटनालाई साम्य बनाउने प्रयास पनि भइरहेको छ । मुख्यमन्त्री चौधरी र स्वास्थ्यमन्त्री खनाललाई छलेका मास्कीले पार्टीले सिफारिस गरेका व्यक्तिलाई समेत छलेका छन् । पार्टीले सिफारिस गरेको व्यक्तिलाई नियुक्त नगरेको भन्दै उनीसँग माओवादीका नेता कार्यकर्ता असन्तुष्ट रहेका छन् ।

रिक्त रहेका अस्पताल विकास समितिको अध्यक्षमा सरकारले पदाधिकारी नियुक्त गर्ने चर्चा केही समयदेखि चल्दै आएको थियो । सोहीकारण माअ‍ोवादी केन्द्रको तुलसीपुर उपमहानगरपालिका कमिटीले राप्ती प्रादेशिक अस्पताल विकास समितिको अध्यक्षका लागि शशिकिरण ढकालको नाम सिफारिस गरेको थियो । मास्कीले अध्यक्ष नियुक्ति गर्नुभन्दा ९ दिनअघि १४ कात्तिकमा माओवादीको नगर कमिटीले ढकालको नाममा सहमति जुटाएको थियो ।

उनको नाममा सहमति जुटाएपछि नगर कमिटीले राप्ती अस्पताल विकास समितिको अध्यक्षका लागि माओवादी केन्द्र लुम्बिनी प्रदेशलाई सिफारिस गरेको थियो । नगर समिति अध्यक्ष खुसीराम चौधरी र सचिव तुलाराम भण्डारी ‘बारूद’ ले संयुक्त रूपमा हस्ताक्षर गरेर पठाएको पत्रको बाेधार्थ जिल्ला कमिटीलाई पनि दिइएको थियो। मास्कीले मुख्यमन्त्री र विभागीय मन्त्री नै नभएको मौका पारेर राखेको मन्त्रिपरिषद् बैठकले ढकालको सट्टा ज्वाइँ शाहलाई नियुक्त गर्ने निर्णय गर्‍याे । यही विवादका कारण माओवादीकाे ५ मंसिरमा दाङ जिल्ला पार्टी कमिटीको बैठक बस्दैछ । माओवादीको नगर कमिटीदेखि जिल्ला कमिटीसम्म मास्कीको निर्णयको विरोध भइरहेको छ ।

उक्त निर्णय उल्टाउने प्रयास माओवादीबाट भइरहेको छ भने कांग्रेसभित्र पनि दबाब बढाउन थालिएको छ । मुख्यमन्त्री नभएको मौकामा कार्यवाहक भएको व्यक्तिले सामान्यतः मन्त्रिपरिषद् बैठक बोलाउँदैनन् । तर, सामान्य नैतिकता समेत बिर्सेर मास्कीले राजनीतिक नियुक्ति गरेको भन्दै कांग्रेसभित्र पनि आवाज उठिरहेको छ । मास्कीले नियुक्त गरेका ज्वाइँ शाह कर्णाली प्रदेशको सल्यान जिल्लाको शारदा नगरपालिका वडा नम्बर १५ का स्थायी बासिन्दा हुन् । गत स्थानीय तहको चुनावमा वडाध्यक्षको उम्मेदवार दिए । एमालेका लोकमान बुढाथोकीसँग पराजित शाहले त्यतिबेला टिकट पाउँदा पनि नातावादको आरोप लागेको थियो ।

तुलसीपुरमा निजी विद्यालय सञ्चालन गरिरहेका शाहमाथि त्यही विद्यालय पनि बिनादर्ता सञ्चालन गरेको आरोप लागिरहेको थियो । अहिले उनलाई मास्कीले दाङको बबई गाउँपालिका वडा नम्बर ४ को ठेगाना दिएर राप्ती अस्पताल विकास समितिको अध्यक्ष नियुक्त गरेका छन् । त्यसले पनि उनलाई विवादमा तानेको छ । माओवादीमा अध्यक्ष तथा प्रधानमन्त्री पुष्पकमल दाहाल प्रचण्डनिकट मानिएका मास्की सैन्य पृष्ठभूमिका नेता हुन् । त्यसैले माओवादीभित्र उनको नाममा केही नेताहरू त्रसित पनि हुने गरेका छन् । तर,अघिल्लो पटक एमालेसँग बनेको गठबन्धनको सरकारमा मन्त्री भएका जोखबहादुर महराविरुद्ध मास्कीले विवाद निकालेकाे याे खवर शिलापत्रमा छ ।

केही सांसदहरू जम्मा गरेर संसदीय दलको नेता समेत रहेका महरालाई मन्त्रीबाट फिर्ता ल्याउन गुटबन्दी गरेका थिए । त्यतिबेला मन्त्री हुन खोजेका मास्कीलाई दोस्रो लटमा महराले नै मन्त्रीमा पठाएका हुन् । तर, मन्त्रीमा नियुक्त भएदेखि नै विवादमा फसेका मास्कीलाई मुख्यमन्त्री चौधरीले हटाउनुपर्ने आवाज पनि लुम्बनीमा उठ्न थालेको छ ।

कतिपयले विगतमा मुख्यमन्त्री कुलप्रसाद केसी सोनाम र आर्थिक मामिला मन्त्री कृष्णध्वज खड्कावीच मनमुटावका कारण खड्काले काम गर्ने मौका पाएका थिएनन् । त्यसरी नै अहिले पनि चौधरीले मास्कीलाई मन्त्रीबाट नहटाए पनि काम गर्ने वातावरण चाहिँ दिन नहुने तर्क पनि उठ्न थालेको छ । तर, माओवादी र कांग्रेसले यो विवादलाई कसरी व्यवस्थापन गर्छन् भन्ने चाहिँ चासोको विषय बनेको छ ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार